Türme vum Dom
Chorus
Un die Türme vum Dom han alles em Bleck
Se ston un halden Waach!
Se läje sich nie hin – se schlofe niemols en
Och nit in dr Hillje Naach.
1.
En dä graue Flut vum Rhing,
Jlitzert hell dä Käätzesching
Dä Dom süht hück besonders fesslich us
De Stroße leerjefääch
En jedem Finster brennt e Leech
De miehste Lück sin ald längs zehus.
En dä graue Flut vum Rhing,
Jlitzert hell dä Käätzesching
Dä Dom süht hück besonders fesslich us
De Stroße leerjefääch
En jedem Finster brennt e Leech
De miehste Lück sin ald längs zehus.
Weihnachtstimmung en dr Luft
Janz Kölle odmet Plätzjeduff
Uns Stadt wor selden ens su stell
Un dä Weihnachtsmaat
Hätt och ald zojemaat
Vum Rothus hürt mr hell et Jlockspell
Chorus
2.
Die die kein Famillisch han
Sin beim Weet vun nevvenaan
Drinke sich e Bier un kloppe Skat.
En Riehl em Aldersheim
Es su manche Minsch allein.
Hätt dr janzen Daach ömesöns jewaat.
Chorus
3.
Em Bett em Krankehus
jon dem Jupp de Leechter us.
Derweil sing Frau ihm noch
die mööde Hängcher hält
Em Kreissaal dicht dobei – hürt mr leis Jeschrei
Ne kleine Stropp erbleck dat Leech dr Welt
Chorus